Ənsarullah: Şəhid Liderin Vida Mərasimi İranın Haqqaniyyətinə Referendum Oldu

Yəmən Ali Məhkəmə Şurasının üzvü və Ənsarullah Hərəkatının Siyasi Bürosunun tanınmış nümayəndələrindən olan Qazi Əbdülvahhab əl-Məhbəşi bəyan edib: Şəhid İmam Seyid Əli Xameneinin dəfn mərasimi İslam İnqilabı və Müqavimət Oxu yolunda böyük bir referendum idi və güclü bir mesaj verdi. Bu mesajın mahiyyəti ondan ibarətdir ki, mömin xalqlar hələ də Fələstin ideyası və təkəbbürə qarşı mübarizə seçimi ətrafında birləşirlər.
Əl-Məhbəşi bildirib ki, İran İslam Respublikası son müharibədən daha güclü və daha dözümlü çıxıb və biz bütün İslam ümmətindən Fələstinin dayağı olmağı istəyirik. Şəhid imam üçün matəmə toplaşan izdiham 1989-cu ildə İmam Xomeyninin (r.ə.) dəfn mərasimini xatırladırdı. Bu gün dünya texnologiya və rabitə vasitəsilə bütün səhnələri və hadisələri anbaan izləyir və hamı şəhid imama xalq dəstəyinin miqyasının şahidi olur.
Şəhid İmam Xameneinin Terrorunun Nəticələri ABŞ və Sionistlərin Yaxasını Buraxmayacaq
Bu Ənsarullah rəsmisi ABŞ və sionist rejimin şəhid İmam Xameneini hədəfə almasını beynəlxalq terrorizm və bütün qanunların, konvensiyaların və insani dəyərlərin pozulması kimi qiymətləndirərək deyib: ABŞ Prezidenti Donald Tramp regionun «dəvələrinin» (ərəb rejimlərinə işarə) dəstəyinə arxalanaraq bu cinayəti törətdi, lakin onun nəticələrini öncədən hesablaya bilmədi.
O, İslam Peyğəmbərinin (s) «Qatili öldürüləcəyi ilə müjdələyin, hətta bu uzun zaman çəksə belə» kəlamına işarə edərək bildirib ki, gələcəkdə ABŞ və sionist rejim bu cinayətin daha ağır nəticələri ilə üzləşəcək. İranda şəhid imama xalq dəstəyinin sirri, onun qanının İslam İnqilabının həyatını yenidən dirçəldəcəyinə olan inamda gizlidir.
Yəmənli rəsmi vurğulayıb ki, şəhid İmam Xamenei düşmənlərdən fərqli olaraq sığınacağa getməkdən imtina etdi, meydanda qaldı və şəhid oldu. İslam ümmətinin bu böyük lideri son çıxışında sanki hamı ilə vidalaşırmış kimi danışaraq demişdi: «Əgər ABŞ-ın təyyarədaşıyan gəmiləri varsa, bizim də onları dənizin dərinliklərinə göndərə biləcək daha güclü vasitələrimiz var». O, həmçinin İran xalqının səbir və müqavimət nəticəsində daha güclü olacağı bir gələcəkdən bəhs etmişdi.
Ənsarullah nümayəndəsi qeyd edib ki, yalnız qarınlarını düşünən ölkələr (ərəb rejimlərinə işarə) qəssabın bəslədiyi və sonra kəsimə apardığı inəklər kimi yaşayırlar. Lakin alimlərin rəhbərlik etdiyi, Qurani-Kərimə və İmam Hüseynə (ə) bağlı xalqlar öz prinsiplərini və şərəflərini heç vaxt satmır, lazım gəldikdə istənilən fədakarlığa hazır olurlar; çünki onları maddi maraqlar deyil, dəyərləri və imanları yönləndirir.
İran Xalqı ABŞ-Sionist Düşmənini Şoka Saldı
Qazi əl-Məhbəşi bildirib ki, İran rəsmilərinin, xüsusilə də SEPAH komandirlərinin və üç hakimiyyət qolunun rəhbərlərinin Vaşinqtonun təhdidləri fonunda şəhid ümmət lideri ilə vida mərasimində ön cərgədə iştirak etməsi İran İslam Respublikasının öz prinsiplərinə və rəhbərliyinə sadiqliyini və cəsarətini nümayiş etdirir. ABŞ İran sistemini devirməyə qadir olduğunu düşünürdü, lakin İslam İnqilabı səhnəsini yenidən canlandıran xalq səfərbərliyi qarşısında ciddi şəkildə sarsıldı.
O vurğulayıb ki, İran İslam Respublikasının dayanıqlılığı Qurani-Kərimə və Peyğəmbər (s) və Hüseyni (ə) prinsiplərinə bağlılıq üzərində qurulub. İran son müharibədən sonra daha da güclənib və həqiqi güc raketlərdə, pilotsuz uçuş aparatlarında və ya nüvə proqramında deyil, mənəvi və xalq gücündədir. Məhz bu güc İran İslam İnqilabını 1979-cu il qələbəsindən sonrakı əsas mövqeyinə qaytarıb və İslam ümmətini Fələstinə dəstəyini yenidən gücləndirməyə sövq edəcək.
Yəmənli məhkəmə rəsmisi əlavə edib ki, İran, Yəmən, Hizbullah və bütün müqavimət qüvvələri Fələstinin dayaqlarıdır və biz bütün İslam ölkələrini Fələstinin yanında dayanmağa çağırırıq. Fələstinin yanında olmayan hər kəs faktiki olaraq sionist düşmən cəbhəsindədir. Təəssüf ki, regiondakı xəyanətkar ərəb rejimləri sionist layihəyə xidmət etmək üçün ABŞ-ın alətlərinə çevriliblər. Fələstin İslam ümmətinin əsas məsələsi olub və bu məsələ İran İslam İnqilabından əvvəl də mövcud idi. Təkəbbür qüvvələrinin İran və onun rəhbərliyinə düşmənçiliyinin əsas səbəbi də onların Fələstin ideyasını dəstəkləməsidir.