Həzrət Hüseyn (ə) nicat gəmisidirmi?

Əlbəttə, nicat gəmisidir. Amma hansı Hüseyn? Kim bu gəmiyə minsə, nicata doğru gedər. Lakin gəmiyə minmək lazımdır. O, Peyğəmbərin (s) Əhli-beyti və pak imamları kimi, Nuhun gəmisinə bənzəyir. Kim ona minsə, nicat tapar, kim ondan üz döndərsə, qərq olar. Bəs bu gəmiyə minmək nədir? Ondan uzaqlaşmaq nə deməkdir?

🔹Əgər o dövrdə də səyahət agentlikləri olsaydı və Nuhun gəmisinə bilet satsaydılar, bəzi insanlar da bu gəmiyə minmək eşqi ilə həmin biletləri çox baha qiymətə alsaydılar, amma vaxtında çatmayıb gəmiyə minməsəydilər, yenə də nicat tapardılarmı? Aydındır ki, təkcə sevgi göstərmək, pul xərcləmək və bilet almaq nicat üçün kifayət deyil; gərək gəmiyə minəsən. Bəzən Əli (ə)-nin şiəsi olmaq yalnız bilet almaq mənasına gəlir. Məncə, təkcə bilet almaqla heç kim nicat tapmaz. Amma bəzən bu, Əli (ə)-nin ardınca getmək deməkdir.

🔸Hüseyn (əleyhis-salam) Aşurasını yaşadın, amma onu əhdə sadiq, ardıcıl və həqiqi davamçı kimi yaşadın; elə yaşadın ki, təhrif olunmasın. Səmimi niyyətlə, lakin kifayət qədər agahlıq olmadan iş görən insanlarla – mehriban, amma uzaqgörən olmayan bir ananın davranışına bənzər şəkildə hərəkət edənlərlə – məhəbbətlə rəftar edək, onları oyadaq. Deyək: Ey müsəlman qardaş və bacı! Ey Hüseyni sevən qardaş! Ey Hüseyni sevən bacı! Əgər Hüseyni sevirsənsə, onu doğru şəkildə sev. Bu sevgini vilayətə sədaqətlə, ardıcıl olmaqla və həqiqi şiəliklə birləşdir ki, həm özün, həm də cəmiyyətin üçün səadət mənbəyinə çevrilsin.

🔹Onları məhəbbətlə maarifləndirək, kobudluq etməyək. Heç olmasa, indiki mərhələdə qətiyyən sərt davranmağa ehtiyac yoxdur. Onlarla gülərüzlə, sakit dillə və aydın məntiqlə danışın, əlaqə saxlayın və xahiş edin ki, bu saf məhəbbəti və bu səyləri doğru istiqamətdə sərf etsinlər.

📚 “Qurani-Kərim Məktəbində”, cild 1, səh. 209–210.