İsrail təyyarələrinin Suriyanın müxtəlif bölgələri üzərində genişmiqyaslı uçuşları

Suriyalı mənbələr İsrail təyyarələrinin Suriyanın müxtəlif bölgələri üzərində genişmiqyaslı uçuşları barədə məlumat veriblər.
Suriya televiziyasının müxbiri İsrail təyyarələrinin Dəməşq, Homs və Hama səmasında uçuş etdiyini bildirib.
Həmçinin, əl-Əxbariyyə şəbəkəsi İsrail rejiminin təyyarələrinin Suriyanın cənubundakı Dəra bölgəsinin şərq kəndləri üzərində uçuşlarını xəbər verib.
Əl-Əxbariyyə müxbiri həmçinin bildirdi ki, İsrail hərbçiləri Suriyalı gənc Məhəmməd əl-Qüeydiri, Dəra əyalətinin qərbində yerləşən Huz al-Yermuk bölgəsindəki evinə basqın edərkən həbs ediblər.
Qeyd edək ki, İsrail rejimi Suriya əvvəlki sisteminin devrilməsindən bəri genişmiqyaslı hücumlar həyata keçirir və bir neçə gün əvvəl də Dəməşqin bəzi bölgələrini dəruzi dəstəyini bəhanə edərək bombardman edib.
Bəşar Əsədin rejiminin düşməsindən sonra, İsrail ordusu Golan Təpələri ilə Suriya arasındakı demarkasiya xəttini keçərək, Dəra və Quneytra əyalətlərindəki Golan yaxınındakı bölgələri işğal etməyə davam edib.