Türkiyə şirkətlərinin İsraildə layihə həyata keçirmək üçün səyləri

İsrailin i24 xəbər şəbəkəsi çərşənbə axşamı bildirib ki, üç Türkiyə şirkətinin – DEİK, Akkord və Simtay – nümayəndələri İsrailə səfər edərək Quş Dan bölgəsinin metro layihəsinin icrası üzrə tenderi qazanmaq üçün geniş səylər göstərirlər. Layihənin birinci mərhələsinin dəyəri təxminən 20 milyard dollar olaraq qiymətləndirilir.
Türkiyə 2024-cü ilin may ayında, Sionist rejimin Qəzza zolağında 70 mindən çox fələstinlinin şəhid olmasına səbəb olan cinayətlərindən sonra rəsmi şəkildə İsraillə bütün ticarət əlaqələrini kəsdiyini elan etmişdi. Türkiyənin yüksək vəzifəli rəsmiləri İsrail rejiminin Qəzza zolağına iki illik hücumu zamanı dəfələrlə Təl-Əvivi tənqid ediblər.
Türkiyə İsraillə ticarət əlaqələrini dayandırdığını bildirsə də, məlumatlara görə Türkiyənin İsrailə ixracı üçüncü ölkələr vasitəsilə davam edir və dəniz daşımaları, eləcə də Təl-Əvivlə özəl müqavilələr hələ də qüvvədədir.