Rusiyanın baxışı: Qərbin danışıqlardakı “utanmazlığı”

Türkiyədə keçirilən və dünəndən etibarən davam edən forumda çıxış edən rusiyalı diplomat ABŞ və onun Qərb müttəfiqlərinin NATO-nun şərqə doğru genişlənməsi ilə bağlı mövqelərini pisləyib.
Lavrovun NATO ilə bağlı açıqlamaları Moskvanın uzun illərdir bu hərbi alyansın Rusiya sərhədlərinə doğru genişlənməsini Qərbin açıq vədlərinin pozulması kimi qiymətləndirdiyi bir dövrdə səsləndirilib.
Rusiya rəsmiləri dəfələrlə SSRİ-nin süqutundan sonra verilən vədlərə istinad edərək bildiriblər ki, Qərb NATO-nun genişlənməməsi ilə bağlı öhdəliklərini yerinə yetirməyib.
Lavrov bu gün Türkiyədə çıxışı zamanı bildirib: “Onlar deyirlər ki, bu, yazılı vəd olmayıb... Əgər şifahi vədin sizin üçün heç bir əhəmiyyəti yoxdursa, Rusiya ənənəsinə görə bu, utanmazlıq hesab olunur.”