BƏƏ-li siyasətçi: ABŞ bazalarının bağlanmasını düşünməyin vaxtıdır

Emirlikli şərhçi Abdulkxaleq Abdullah “Reuters” agentliyinə müsahibəsində deyib ki, ölkə ABŞ bazalarının bağlanması məsələsini nəzərdən keçirməlidir.
O, İran və ABŞ arasında son qarşıdurmalara toxunaraq iddia edib ki, BƏƏ özünü müdafiə etmək qabiliyyətinə malik olduğunu sübut edib.
Bu arada, İranın BƏƏ-də yerləşən ABŞ bazalarını və aktivlərini dəfələrlə uğurla hədəfə aldığı bildirilir.

Abdullah qeyd edib: “Birləşmiş Ərəb Əmirliklərinin artıq özünü müdafiə etmək üçün ABŞ-a ehtiyacı yoxdur... Ölkənin ehtiyacı olan yeganə şey ABŞ-ın malik olduğu ən yaxşı və ən müasir silahları əldə etməkdir”.

Keçmiş rəsmi əlavə edib: “Bu səbəbdən, ABŞ bazalarının bağlanmasını düşünməyin vaxtıdır. Çünki onlar strateji aktiv deyil, əksinə, bir yükdür”.
ABŞ-ın İrana qarşı hərbi əməliyyatlarından və Tehranın bölgədəki Amerika bazalarına cavab zərbələrindən sonra müxtəlif ekspert və analitiklər bu bazaların regiondakı mövcudluğunu sual altına alıblar. Onlar bildiriblər ki, bu bazalar Fars körfəzi ölkələrini qorumaq əvəzinə, əksinə, həmin ölkələri əlavə xərclərə və bu bazaların müdafiəsinə məcbur edir.