Həmas: Qəzzada 2 milyon insan İsrailin girovundadır

Fələstin İslam Müqavimət Hərəkatı “Həmas” bu gün (cümə) bəyan edib ki, Qəzzada iki milyondan çox insan sionist rejimin aclıq siyasətinin, qətliam maşınının və mühasirəsinin girovuna çevrilib.
Həmas bəyanatında izah edib: “Biz və Fələstin müqavimət qrupları razılaşmanın bütün maddələrinə tam sadiqlik göstərmişik, halbuki işğalçılar öz öhdəliklərini pozublar”.
“Əl-Məyadin” telekanalının bu bəyanata istinadən yaydığı məlumata görə: “İşğalçıların atəşkəsi gündəlik pozması, Netanyahu kabinetinin vasitəçilərin səylərinə əhəmiyyət vermədiyini və razılaşmadan yayınmaq, onu zəiflətmək istədiyini açıq şəkildə göstərir”.
Həmas bildirib ki, Şarm əl-Şeyx razılaşmasının imzalanmasına baxmayaraq sionistlərin davam edən təcavüzü, müharibənin və fələstinlilərə qarşı soyqırımın davamıdır. Hərəkat vurğulayıb: “Atəşkəsin pozulması, razılaşmanın icrasına təminat vermək üçün vasitəçilərin və zəmanətçi ölkələrin qəti mövqe tutmasını zəruri edir”.
Bəyanatda həmçinin deyilir: “Davam edən hücumlar, mülki şəxslərin qorunması üçün qəbul edilmiş beynəlxalq qanunlar və konvensiyalar baxımından qeyri-adi humanitar, siyasi və hüquqi vəziyyəti göstərir”.