Tramp: İrandan sonra demək olar ki, dərhal Kubaya nəzarəti ələ keçirəcəyik

Donald Tramp bu gün səhər tezdən (şənbə) verdiyi açıqlamada yenidən özünü Kubanın xilaskarı kimi təqdim edib və deyib ki, ABŞ-ın bir aviadaşıyıcı gəmisi “İrandan qayıdarkən” bu ada ölkəsinin sahilləri yaxınlığında yerləşdirilə bilər ki, onu təslim olmağa məcbur etsin.
ABŞ prezidenti bu barədə bildirib ki, Birləşmiş Ştatlar Kubaya “demək olar ki, dərhal” nəzarəti ələ alacaq və qeyd edib ki, bu ada ölkəsinin sahili yaxınlığında Amerika aviadaşıyıcısı yerləşdirilərək ona təslim olmaq təzyiqi göstərilə bilər.
Tramp Floridada çıxışı zamanı deyib: “Kuba, hansı ki, biz demək olar dərhal onun nəzarətini ələ keçirəcəyik” və iddia edib ki, “kubalıların problemi var”.
ABŞ prezidenti əlavə edib ki, bu addım ABŞ və İsrailin İrana qarşı müharibəsindən sonra həyata keçiriləcək və Vaşinqton bölgəyə geri dönüş marşrutunda bir hərbi gəmi göndərəcək.
O deyib: “İrandan qayıdarkən böyük gəmilərimizdən birini, bəlkə də dünyanın ən böyük gəmisi olan USS Abraham Lincoln aviadaşıyıcısını göndərəcəyik ki, gəlib sahildən təxminən yüz yard məsafədə dayansın.”
Daha sonra o belə təsəvvür yaratmağa çalışıb ki, təkcə bu güc nümayişi Kubanı təslim olmağa vadar edəcək və iddia edib: “Onlar deyəcəklər: ‘Çox təşəkkür edirik. Biz təslim oluruq’.” O əlavə edib: “Mən işi birdəfəlik bitirməyi sevirəm.”
Tramp cümə günü Kuba ilə əlaqəli şəxs və qurumlara qarşı yeni sanksiyalar tətbiq edən icra sərəncamı imzalayıb və bunu ABŞ-ın milli təhlükəsizliyi və xarici siyasətinə qarşı təhdidlərlə əsaslandırıb.
O dəfələrlə bildirib ki, Kuba İrana qarşı hərbi əməliyyatdan sonra “növbəti hədəfdir” və Karib dənizində yerləşən bu ada “tezliklə” süqut edəcək.