ABŞ Hörmüz boğazını açmaq üçün Təhlükəsizlik Şurasına müraciət edir

ABŞ-ın dövlət katibi Marko Rubio çərşənbə axşamı axşam saatlarında açıqlayıb ki, Vaşinqton Hörmüz boğazında naviqasiya azadlığını qorumaq məqsədilə BMT Təhlükəsizlik Şurasına qətnamə layihəsi təqdim edəcək.
O əlavə edib ki, qətnamə layihəsi Səudiyyə Ərəbistanı, Qətər, Birləşmiş Ərəb Əmirlikləri, Küveyt və Bəhreyn ilə əməkdaşlıq çərçivəsində hazırlanıb.
ABŞ dövlət katibi bildirib ki, layihə İrandan Hörmüz boğazında hücumları, mina yerləşdirilməsini və rüsum alınmasını dayandırmağı tələb edir.
Həmçinin layihədə İran tərəfindən boğazda yerləşdirilmiş minaların sayı və yerlərinin açıqlanması, eləcə də onların zərərsizləşdirilməsinə yardım göstərilməsi tələb olunur.
Rubio qeyd edib ki, dünya neftinin dörddə biri Hörmüz boğazından keçir və ABŞ İranın bu boğaza nəzarəti ələ keçirməsinə imkan verməyəcək. Onun sözlərinə görə, İranın Hörmüz boğazında həyata keçirdiyi addımlar tamamilə qəbuledilməzdir.