İranın raket cavabı ilə Küveyt səmasından 11 təyyarə yönləndirildi

Küveyt Mülki Aviasiya İdarəsi bildirib ki, ölkənin hava məkanı bu gün şənbə günü yerli vaxtla saat 04:15-dən 06:15-dək, İranın raket və PUA hücumlarından sonra ehtiyat tədbiri olaraq iki saat müddətinə bağlanıb.

ABŞ-a məxsus pilotsuz uçuş aparatları bu gün səhər İranın Qəşm adası və Sirik bölgəsində yerləşən iki rabitə qülləsini hədəfə alıb. Buna cavab olaraq, İran İslam İnqilabı Keşikçiləri Korpusunun Hərbi-Hava və Kosmik Qüvvələri dərhal Küveytdə yerləşən ABŞ-ın iki hərbi hava bazasını (Əli əs-Salim) və Bəhreyndə yerləşən ABŞ Beşinci Donanmasının obyektlərini ballistik raketlərlə vurub.

Bir neçə gün əvvəl də İranın reaksiyası və Küveyt hava müdafiə sisteminin səhvi nəticəsində Küveyt hava limanında uçuşların fəaliyyətində pozuntular və maddi ziyan qeydə alınmışdı.

Küveyt Hava Yollarının məlumatına görə, sözügedən iki saat ərzində Küveyt Hava Yolları və Cəzirə Airways şirkətlərinə məxsus 11 reys sərnişinlərin təhlükəsizliyini təmin etmək məqsədilə Səudiyyə Ərəbistanının Dammam və Ər-Riyad hava limanlarına yönləndirilib.