Sionist nazir: Tramp istəsə belə, Livanı tərk etməyəcəyik

Sionist rejimin energetika naziri və təhlükəsizlik kabinetinin üzvü Eli Kohen cümə günü səhər bildirib ki, rejim ordusu heç bir halda Livanın cənubundakı işğal olunmuş bölgələri tərk etməyəcək.
Kohen sionist rejimin Kanal 14 telekanalına müsahibəsində deyib: «Biz Livanı tam işğal etmək niyyətində deyilik, lakin Qəzza zolağının bütün ərazisi üzərində təhlükəsizlik nəzarəti yaratmağa çalışırıq».
O əlavə edib: «İsrail sonda Qəzza zolağının bütün ərazisi üzərində tam nəzarəti ələ keçirəcək və bu, bizim təhlükəsizlik məqsədlərimizin bir hissəsidir».
Sionist nazir davam edərək bildirib: «Hazırda Livandakı təhlükəsizlik zonasından çıxmaq məsələsi İsrailin gündəmində deyil».
Kohen həmçinin vurğulayıb ki, hətta ABŞ Prezidenti Donald Tramp və ya digər amerikalı rəsmilər İsrailin Livanın cənubundan çıxmasını tələb etsələr belə, Təl-Əviv bununla razılaşmayacaq və cavabı "xeyr" olacaq.