Tramp: İranla Memorandum Bitib

Müxtəlif ölkələrlə əldə edilmiş anlaşma və razılaşmaları dəfələrlə pozmuş ABŞ-ın terrorçu hökumətinin başçısı Donald Tramp bu gün, çərşənbə günü bildirib ki, onun fikrincə, İranla imzalanmış anlaşma memorandumu artıq başa çatıb.
Tramp başqa bir açıqlamasında İran xalqını təhqir edərək iranlılara nifrət etdiyini söyləyib.
ABŞ-ın terrorçu hökuməti bu ilin Xordad ayında İranla memorandumun imzalanmasından sonra onun müddəalarını dəfələrlə pozub.
Bu memorandumun birinci bəndi Vaşinqtonu bütün cəbhələrdə, o cümlədən Livanda atəşkəsi qorumağa açıq şəkildə öhdəlik altına salır. Buna baxmayaraq, sionist rejim ABŞ-ın yaşıl işığı ilə Livanın cənub bölgələrinin bombardmanını davam etdirir.
Bloklanmış vəsaitlərin ödənilməməsi, 300 milyard dollarlıq investisiya fondunun fəaliyyəə başlamaması və sanksiyalardan azadolma qərarının icra edilməməsi ABŞ-ın İranla 14 bəndlik anlaşmada öhdəliklərini pozmasının digər nümunələridir.
ABŞ-ın terrorçu hökumətinin başçısı çıxışının digər hissəsində öz ölkəsində dəfələrlə tənqid olunduğu xüsusiyyətləri İrana aid etməyə çalışıb. Psixoloqlar tərəfindən narsist və “patoloji yalançı” kimi xarakterizə olunan Tramp bu xüsusiyyəti İran və iranlılara aid etməyə çalışaraq deyib: “Onlar yalançıdırlar. Onlar fırıldaqçıdırlar.”
Donald Tramp bu ittihamlarını davam etdirərək, Dey ayı iğtişaşları barədə daha bir açıq yalan səsləndirib və iddia edib ki, İran bu hadisələr zamanı “54 min” etirazçını öldürüb.
Bu iddia onun bu mövzuda dəfələrlə bir-birinə zidd rəqəmlər səsləndirməsi fonunda irəli sürülür. Tramp bir neçə dəfə 32 min, başqa hallarda isə 45 min rəqəmini qeyd edib. ABŞ mediası bu ziddiyyətli rəqəmləri onun yalan danışmasının göstəricisi hesab edir.
İrana qarşı müharibədə uğursuzluğa görə ABŞ daxilində ciddi təzyiqlərlə üzləşən Tramp iddialarının davamında İranla danışıqlar üçün yolu açıq saxlamağa çalışıb.
O bildirib ki, əgər İran danışıqlara maraq göstərərsə, Stiv Vitkoff və Cared Kuşnerlə bu məsələni müzakirə edəcək, baxmayaraq ki, özü bunu “vaxt itkisi” hesab edir.
Dünən gecə ABŞ Maliyyə Nazirliyi İranla memorandumun müddəalarını pozaraq yaydığı bəyanatla neft və neft-kimya məhsullarının satışına dair sanksiya güzəştlərini ləğv edib.
Bu addım İranla 14 bəndlik memorandumun 10-cu bəndinin açıq şəkildə pozulmasıdır. Həmin bəndə əsasən, ABŞ “memorandum imzalandıqdan dərhal sonra və sanksiyalar tam aradan qaldırılanadək İranın xam neftinin, neft-kimya məhsullarının və onların törəmələrinin ixracı, eləcə də bank, sığorta, nəqliyyat və digər əlaqəli xidmətlər üçün istisna və güzəştlər tətbiq etməyə” öhdəlik götürüb.
Bu memorandumun 13-cü bəndi isə yekun saziş üzrə danışıqlara başlanmasını sənədin müddəalarının, o cümlədən 10-cu bəndin tam icrası ilə şərtləndirir.