ABŞ hərbi mövqeləri İordaniyanın Əqəbə şəhərində raket hücumuna məruz qalıb

Media mənbələrinin məlumatına görə, raketin Əqəbə limanı ərazisinə düşməsi nəticəsində güclü partlayış səsləri eşidilib.
İvritdilli media isə partlayışların İran tərəfindən İordaniyanın Əqəbə şəhərinə endirildiyi bildirilən raket zərbələri nəticəsində baş verdiyini iddia edib.
Məlumatlara əsasən, raket hücumundan sonra Əqəbəyə eniş etməyə hazırlaşan İsrailə məxsus təyyarə marşrutunu dəyişərək geri qayıtmağa məcbur olub.
Bəzi mənbələr İordaniyadakı Kral Hüseyn Hava Limanı istiqamətində tüstü sütunlarının müşahidə edildiyini bildiriblər.
İsrailin Kanal 12 telekanalı da Əylətdən görünən mənzərəyə əsaslanaraq, azı iki raketin Əqəbə şəhərinə düşdüyünü iddia edib.
Son günlər ABŞ hərbçilərinin İordaniyadakı mövqeləri dəfələrlə raket və pilotsuz uçuş aparatları ilə hədəfə alınıb. Müxtəlif məlumatlara görə, bu hücumlar nəticəsində ciddi dağıntılar baş verib, həmçinin bir neçə ABŞ hərbçisi ölüb və yaralanıb.