Güclü partlayışlar Bəhreyni lərzəyə gətirdi

Yerli mənbələrin məlumatına görə, cümə günü Bəhreyndə hava hücumu təhlükəsi ilə bağlı xəbərdarlıq siqnalları səsləndirilib.
Ərəb KİV-ləri, o cümlədən Saberin News, təcili xəbərlərində Bəhreyndə ardıcıl güclü partlayış səslərinin eşidildiyini bildiriblər.
Bəhreyn Daxili İşlər Nazirliyi yaydığı bəyanatda qeyd edib:
“Xəbərdarlıq siqnalları işə salınıb. Vətəndaşlardan və ölkə sakinlərindən ən yaxın təhlükəsiz sığınacağa getmələri xahiş olunur.”
Məlumatlara görə, Bəhreyndə yerləşən ABŞ-ın hərbi bazaları və maraqları İranın genişmiqyaslı raket və pilotsuz uçuş aparatı (PUA) hücumlarının hədəfi olub.
Bildirilib ki, bu əməliyyat ABŞ ordusunun son gecələr İranın müxtəlif bölgələrinə həyata keçirdiyi hücumlara cavab olaraq icra edilib.