İslami Cihad: Qəzza razılaşması balanslı və hər iki tərəf üçün məcburi olmalıdır

Əbu Şahin deyib ki, İslami Cihad tələb edir ki, müqavimət qruplarının üzərinə qoyulan hər bir öhdəliyin qarşılığında sionist tərəf üçün də eyni dərəcədə aydın və konkret öhdəlik müəyyən edilsin və razılaşmanın bütün maddələri hər iki tərəf üçün məcburi olsun.
O qeyd edib ki, hərəkatın mediada yayımlanan hazırkı razılaşma layihəsinə ciddi iradları var. Çünki həmin mətn İslami Cihadın irəli sürdüyü meyar və şərtləri özündə əks etdirmir.
Əbu Şahin vurğulayıb ki, müqavimət qüvvələri ilə sionist rejim arasında danışıqlar davam edir. Buna görə də yekun razılaşma balanslı olmalı və yalnız bir tərəfi öhdəlikləri yerinə yetirməyə məcbur etməməli, hər iki tərəf üçün eyni dərəcədə hüquqi baxımdan məcburi xarakter daşımalıdır.