İraqın “Həşdi Şəbi” rəhbərləri ilə İnqilab Rəhbərinin nümayəndə heyətinin görüşü

“Həşdi Şəbi”nin məlumatına görə, təşkilatın rəhbəri Faleh əl-Fəyyad bu gün, bazar günü, İran İslam Respublikasından İraqa göndərilmiş nümayəndə heyətini qəbul edib. Bildirilib ki, nümayəndə heyəti Ali Rəhbər Ayətullah Seyid Müctəba Xameneinin tapşırığı ilə İraqa göndərilib və məqsəd şəhid İnqilab Rəhbərinin cənazəsinin dəfn mərasimində İraq rəsmilərinin və xalqının iştirakına görə minnətdarlıq bildirmək olub.
İran nümayəndə heyəti İraq hökumətinin və xalqının mövqeyinə, həmçinin onların Ali Rəhbər və İran xalqı ilə həmrəyliyini ifadə etməsinə görə təşəkkürünü çatdırıb.

“Həşdi Şəbi” Baş Qərargah rəisinin əməliyyatlar üzrə köməkçisi Əbu Əli əl-Bəsri isə İraqda şəhid İnqilab Rəhbərinin dəfn mərasimindən sonra ölkə xalqının milyonlarla insanla mərasimdə iştirakını “heyrətamiz” adlandırıb.
Əl-Bəsri bildirib: “Biz bu dəfn mərasiminə hazırlaşırdıq və geniş iştirak gözləyirdik. Lakin, əlbəttə, bu qədər böyük izdihamı əvvəlcədən təsəvvür etmirdik. Düşünürəm ki, hamı bu nəhəng izdiham qarşısında heyrətə gəldi. Biz daha az sayda, bəlkə də milyonlarla insanın iştirakını gözləyirdik, amma belə geniş iştirak gözləmirdik”.
O, İraq xalqının milyonlarla insanın iştirakı ilə mühüm mesaj verdiyini vurğulayaraq deyib: “Bu mənzərəni görən hər kəs onların dini mərcəiyyətlə dərin bağlılığını və İmam Xameneinin mərcəiyyətinə inamını görə bilər”.

“Həşdi Şəbi” komandiri sonda bildirib ki, İraq xalqı onun rəhbərliyinin İslam dövlətinə rəhbərlik etməsinə və bu dövlətin cəmiyyət və müsəlman ümməti üçün əhəmiyyətinə inanır. Onun sözlərinə görə, İraq xalqı İslam ümmətini və müsəlman ölkələrini İslam düşmənləri qarşısında müdafiə edən qüvvələrə rəhbərlik edən bu liderliyi yüksək qiymətləndirir.
Əl-Bəsri qeyd edib ki, məhz buna görə milyonlarla insanın böyük coşğu, fədakarlıq, kədər, göz yaşları və şüarlarla dəfn mərasimində iştirakı onların bu rəhbərliklə əlaqələrinin dərinliyini nümayiş etdirir. Onun sözlərinə görə, bu bağlılıq həm mənəvi, həm də ideoloji xarakter daşıyır.