خیبر پختونخوا کی خاتون پولیس افسر کے لیے عالمی ایوارڈ

اسلام ٹائمز۔ خیبر پختونخوا کی خاتون پولیس افسر سونیا شمروز نے عالمی ایوارڈ اپنے نام کر لیا۔ ذرائع کے مطابق سونیا شمروز کو نیوزی لینڈ کے شہر آکلینڈ میں منعقدہ انٹرنیشنل ویمن ان پولیسنگ کانفرنس 2023ء میں پولیس آفیسر آف دی ایئر کا ایوارڈ دیا گیا۔ سونیا شمروز ڈی پی بٹگرام اور ڈی پی او چترال کے عہدوں پر فرائض انجام دے چکی ہیں، چترال میں تعیناتی کے دوران انہوں نے خواتین پر تشدد کے لیے خصوصی ڈیسک قائم کیا تھا، جس کے لیے انہیں عالمی سطح پر سراہا گیا  تھا۔