کراچی، اتقا قتل کیس کے مزید 2 ملزمان گرفتار، آلہ قتل برآمد

اسلام ٹائمز۔ شہر قائد کے علاقے گلشن اقبال میں قتل کئے گئے گولڈ میڈلسٹ اتقا معین کے مزید 2 قاتل گرفتار کرلئے گئے۔ ترجمان کراچی پولیس کے مطابق اتقا معین کے قتل میں گرفتار کئے گئے ملزمان نوید احمد اور ظاہر علی بھی شامل تھے، جن سے آلہ قتل بھی برآمد کرلیا ہے۔ پولیس ترجمان کے مطابق ملزمان کی جانب سے چھینی گئی موٹرسائیکل برآمد کرنے کی کوشش جاری ہے۔ ترجمان کے مطابق ملزمان سے برآمد اسلحے کو فارنزک کیلئے بھیج دیا گیا ہے۔ پولیس ترجمان کے مطابق ملزم نوید ڈکیتی اور پولیس مقابلے میں پہلے بھی گرفتار ہو کر جیل جا چکا ہے۔