اسرائیل نے مغربی کنارے میں 3 نئی یہودی بستیاں قائم کرنے کی منظوری دیدی

اسلام ٹائمز۔ اسرائیلی حکومت نے مغربی کنارے میں 3 نئی یہودی بستیاں قائم کرنے کی منظوری دے دی۔ تل ابیب سے عرب میڈیا کی رپورٹ کے مطابق یہودی بستیاں 5 ہزار 300 رہائشی یونٹس پر مشتمل ہوں گی۔ رپورٹ میں مزید کہا گیا ہے کہ ڈیڑھ سال میں اسرائیل فلسطینی علاقوں میں 24 ہزار رہائشی یونٹس بنانے کی منظوری دے چکا۔ رپورٹ کے مطابق اسرائیلی حکومت سال 2020ء تا 2022ء فلسطینی علاقوں میں 20 ہزار کے قریب رہائشی یونٹس بنا چکی جبکہ 7 اکتوبر 2023ء سے ابتک مغربی کنارے میں 23 یہودی بستیاں تعمیر کی جا چکی ہیں۔