ہجومی تشدد کے واقعات کو روکنا حکومت کی ذمہ داری ہے، سلمان خورشید

اسلام ٹائمز۔ 11 اگست 2024ء کو ہونے والے انڈین اسلامک کلچرل سینٹر الیکشن 2024ء میں اپنے پینل کو متعارف کرانے کے لئے ایک انٹرایکٹو سیشن میں معروف ایڈووکیٹ و کانگریس لیڈر سلمان خورشید اپنے پینل کے ساتھ ریاست اترپردیش کے ضلع علیگڑھ کے سابق میئر محمد فرقان کی رہائشگاہ پر گزشتہ دیر رات تشریف لائے جہاں انہوں نے صحافیوں کو بتایا کہ علیگڑھ میرا جگر کا ٹکڑا ہے، میری پیدائش اور پرورش یہی ہوئی اور میرے دوست و رشتہ دار بھی یہاں ہیں جن سے ملاقات کرکے مجھے بہت خوشی ہوتی ہے۔ انڈین اسلامک کلچرل سینٹر اور اس کے ہونے والے الیکشن سے متعلق سوال کے جواب میں انہوں نے بتایا کہ ویسے تو اس کے بارے میں سبھی جانتے ہیں لیکن جس وقت اس کی بنیاد رکھی گئی تھی اور جو مقاصد اس کے ہیں ان کو کیسے پورا کیا جائے اسی سلسلے میں آج علیگڑھ لوگوں سے گفتگو کرنے آئے ہیں کیونکہ علیگڑھ میں اسلامک سینٹر کے 64 ممبران ہیں۔

حکومت کا نام لئے بغیر انہوں نے مزید کہا کہ ملک کے تعلیمی اداروں کو بھی ہم دباؤ سے ہٹانا چاہتے ہیں ان کے جمہوری ڈھانچہ کو بھی انہوں نے توڑنے کی کوشش کی ہے ملک میں صحافت کو بھی دبانے کی کوشش کی ہے اس لئے ہمارا یہ فرض بنتا ہے کہ ہم اس کے خلاف لڑائی لڑیں۔ پارلیمانی انتخابات 2024ء کے نتائج کے بعد مسلمانوں کی ہجومی تشدد میں اضافہ سے متعلق سوال کے جواب میں انہوں نے بتایا کہ ممکن ہے کہ مسلمانوں نے اپوزیشن پارٹیوں کو ووٹ دیا ہے اس لئے ہجومی تشدد میں اضافہ ہو رہا ہے اسی لئے ایک ذمہ داری ہماری (اپوزیشن) کی بنتی ہے اور ایک ذمہ داری حکومت کی بھی بنتی ہے جو ایسا ہونے دے رہی ہے حالانکہ کے حکومت کی ذمہ داری بڑی ہوتی ہے لیکن اس کا مطلب یہ نہیں کے ہم ہاتھ دھو کر دور کھڑے ہو جائیں گے، ہماری پارٹی اور دیگر اپوزیشن پارٹیاں جو بھی اس میں کر سکتے ہیں کریں گے۔

اپنے خطاب میں نائب صدر کے لئے امیدوار سابق علیگڑھ میئر محمد فرقان نے کہا کہ ہمارا مقصد آر ایس ایس کی سوچ اور ان سے جڑے ہوئے لوگوں سے اسلامک سنٹر کو بچانا ہے وہ لوگ اب اسلامک سنٹر پر بھی قبضہ کرنا چاہتے ہیں جس کو ہمیں بچانا ہے۔ موجودہ حکومت اور ان کے امیدواروں کا نام لئے بغیر انہوں نے کہا انڈین اسلامک کلچرل سینٹر کے الیکشن میں اپنے امیدواروں کو کامیاب بناکر وہ اس پر بھی قبضہ کرنا چاہتے ہے اس کی بھی آزادی کو چھیننا چاہتے ہے لیکن ہم اس کے جمہوری نظام کو بحال کرنے کے لئے ہر ممکن کوشش کریں گے۔ انڈین اسلامک کلچرل سینٹر الیکشن 2024ء میں سلمان خورشید صدر کے لئے امیدوار ہے جن کا بیلٹ نمبر 5 ہے اور نائب صدر کے امیدوار محمد فرقان ہے جن کا بیلٹ نمبر 6 ہے، 11 اگست کو الیکشن ہونا ہے جس میں کامیابی حاصل کرنے کے لئے امیدوار ملک کے ان علاقوں میں جا کر ووٹ مانگنے کی کوشش کریں گے جہاں انڈین اسلامک کلچرل سینٹر کے ممبران موجودہ ہے جسے ضلع علیگڑھ میں 64 ممبران ہیں۔