محرم الحرام، گلگت میں نیا کنٹرول روم قائم، چوبیس گھنٹے فعال رہے گا

اسلام ٹائمز۔ محرم الحرام میں قیام امن کیلئے گلگت کی ضلعی انتظامیہ نے جدید سہولیات پر مشتمل نیا کنٹرول روم قائم کر دیا۔ کنٹرول روم اسسٹنٹ کمشنر آفس میں چوبیس گھنٹے فعال رہے گا۔ ڈپٹی کمشنر کی قیادت میں اسسٹنٹ کمشنر الفا کنٹرول روم کی نگرانی کریں گے۔ یہ کنٹرول روم ضلعی سطح کی سرگرمیوں، ہنگامی اور روٹین ڈیوٹیز کو منظم کرنے، اور بالخصوص محرم و دیگر اہم دنوں میں نگرانی اور مختلف سرکاری اداروں سے رابطے میں کلیدی کردار ادا کرے گا۔