0
Tuesday 9 Jul 2024 21:34

کراچی، ڈالر کی غیر قانونی خرید و فرخت میں ملوث گینگ کے 2 کارندے گرفتار

کراچی، ڈالر کی غیر قانونی خرید و فرخت میں ملوث گینگ کے 2 کارندے گرفتار
اسلام ٹائمز۔ ایف آئی اے، اسٹیٹ بینک سرکل کراچی نے ریکس سینٹر صدر میں کارروائی کے دوران ڈالر کی غیر قانونی خرید و فرخت میں ملوث منظم گینگ کے 2 ملزمان کو رنگے ہاتھوں گرفتار کر لیا۔ ترجمان ایف آئی اے کے مطابق حوالہ ہنڈی اور ڈالر کی غیر قانونی خرید و فرخت میں ملوث افراد کے خلاف کریک ڈاؤن جاری ہے، اس سلسلے میں گرفتار ملزمان حوالہ ہنڈی اور کرنسی کی غیر قانونی ایکسچینج میں ملوث تھے، گرفتار ملزمان میں کاشف اور علی شامل ہیں۔ ملزمان کے قبضے سے امریکی ڈالر، یورو اور موبائل فونز برآمد کئے گئے، ملزمان کے موبائل فونز میں غیر قانونی کرنسی ایکسچینج اور ہنڈی حوالہ سے متعلق پیغامات، ٹرانزیکشن موجود پائی گئیں۔

ملزمان برآمد ہونے والی کرنسی کے حوالے سے حکام کو مطمئن نہ کر سکے، ان کی نشاندہی پر گھر پر موجود حوالہ کی رقم پانچ لاکھ روپے نقد، مختلف بینکوں کے چیک بکس، موبائل فون اور سیاہ شیشوں کا اجازت نامہ (جس کی تصدیق وفاقی وزارت داخلہ سے کی جائے گی) برآمد کر لی گئیں۔ ترجمان ایف آئی اے کے مطابق ملزمان کے خلاف مقدمہ الزام نمبر 19/2024 درج اور سات روزہ جسمانی ریمانڈ حاصل کے تفتیش کا آغاز کر دیا گیا، دیگر ملوث ملزمان کی گرفتاری بھی جلد متوقع ہے۔
خبر کا کوڈ : 1146749
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش