اسلام ٹائمز۔ غیر قانونی طور پر بھارت کے زیر قبضہ جموں و کشمیر میں بھارتی فوجیوں نے مختلف علاقوں میں محاصرے اور تلاشی کی پرتشدد کارروائیاں جاری رکھی ہوئی ہیں۔ ذرائع کے مطابق بھارتی فوج، بارڈر سکیورٹی فورس اور دیگر پیراملٹری فورسز کولگام، اسلام آباد، گاندربل، بانڈی پورہ، بارہمولہ، کپواڑہ، کٹھوعہ، ڈوڈہ، سانبہ، راجوری اور پونچھ اضلاع کے مختلف علاقوں میں محاصرے اور تلاشی کی کارروائیاں کر رہی ہیں۔ سرینگر جموں شاہراہ پر بھی فوجی کارروائیاں جاری ہیں۔