0
Wednesday 10 Jul 2024 16:48

کشمیر میں عسکریت پسندانہ حملوں کی مودی حکومت کو وضاحت کرنا چاہیئے، سچن پائلٹ

کشمیر میں عسکریت پسندانہ حملوں کی مودی حکومت کو وضاحت کرنا چاہیئے، سچن پائلٹ
اسلام ٹائمز۔ کانگریس لیڈر سچن پائلٹ نے کٹھوعہ جموں میں عسکریت پسندانہ حملے کی مذمت کی جس میں بھارتی فوج کے پانچ جوان ہلاک ہوگئے اور جموں و کشمیر میں ہونے والے عسکریت پسندانہ حملوں پر مودی حکومت سے وضاحت طلب کی۔ سچن پائلٹ نے میڈیا سے بات کرتے ہوئے کہا کہ عسکریت پسندانہ حملے مسلسل بڑھ رہے ہیں، حکومت کا دعویٰ ہے کہ جموں و کشمیر میں حالات معمول پر ہیں لیکن اگر ہمارے فوجی عسکریت پسندانہ حملوں میں اپنی جانیں گنوا رہے ہیں، تو حکومت کو اس کی وضاحت کرنی ہوگی۔ جموں و کشمیر کے کٹھوعہ ضلع میں 8 جولائی کو عسکریت پسندوں کے گھات لگا کر کئے گئے حملے میں قابض فورسز کے پانچ جوان ہلاک اور کچھ زخمی ہوگئے تھے۔ دریں اثناء حملے کے بعد جموں سرینگر قومی شاہراہ پر سیکورٹی سخت کر دی گئی ہے۔ حملے کے بعد سنٹرل انڈسٹریل سیکورٹی فورس (سی آئی ایس ایف)، سینٹرل ریزرو پولیس فورس (سی آر پی ایف)، اور جموں و کشمیر پولیس کے اہلکاروں کو ادھم پور میں قومی شاہراہ پر تعینات کیا گیا ہے۔

قبل ازیں بھارتی وزیر داخلہ امیت شاہ نے جموں و کشمیر میں سیکورٹی کے منظرنامے پر ایک جائزہ میٹنگ کی صدارت کی اور تمام سیکورٹی ایجنسیوں کو ہدایت دی کہ وہ ’مشن موڈ میں کام کریں اور مربوط انداز میں فوری ردعمل کو یقینی بنائیں‘۔ قبل ازیں گذشتہ روز کانگریس کے رکن پارلیمنٹ اور اپوزیشن لیڈر راہل گاندھی نے جموں و کشمیر کے کٹھوعہ ضلع میں عسکریت پسندوں کے ساتھ تصادم میں پانچ فوجیوں کی ہلاکت پر افسوس کا اظہار کیا۔ ایکس پر ایک پوسٹ میں راہل گاندھی نے کہا کہ ان حملوں کا حل کھوکھلی تقریروں اور جھوٹے وعدوں سے نہیں بلکہ مضبوط کارروائی سے نکلے گا۔ راہل نے ایکس پر لکھا کہ جموں و کشمیر کے کٹھوعہ میں بھارتی فوج کی گاڑی پر عسکریت پسندانہ حملے کی خبر انتہائی افسوسناک ہے۔
خبر کا کوڈ : 1146923
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش