فارم 47 پر قائم جعلی مینڈیٹ کی حامل حکومت عوامی رائے سے خوفزدہ ہے، علامہ مقصود ڈومکی

 

انہوں نے کہا کہ ملتان میں مجلس وحدت مسلمین جنوبی پنجاب کے صوبائی صدر علامہ سید اقتدار حسین نقوی اور دیگر ساتھیوں کو پولیس نے گرفتار کیا، مگر حکمرانوں کو یاد رکھنا چاہئے کہ ہم ڈرنے والے نہیں ہیں کیونکہ ہم حسینی ہیں۔ انہوں نے مطالبہ کیا کہ پاکستان میں ہزاروں بے گناہ سیاسی اسراء خصوصاً عمران خان کو آزاد کیا جائے۔ مجلس وحدت مسلمین، تحریک تحفظ آئین پاکستان میں شامل دیگر جماعتوں کے ساتھ مل کر آئین اور قانون کی بالادستی کی جدوجہد جاری رکھے گی۔ احتجاجی مظاہرے اور جلسہ عام میں مجلس وحدت مسلمین بلوچستان کے صوبائی صدر علامہ سید ظفر عباس شمسی، صوبائی نائب صدر علامہ شیخ ولایت حسین جعفری، صوبائی جنرل سیکریٹری علامہ سہیل اکبر شیرازی، اراکین صوبائی کابینہ، ضلع کوئٹہ سٹی علمدار روڈ اور ہزارہ ٹاؤن کے ذمہ داران شریک ہوئے۔