اکتوبر 2023ء سے اب تک امریکہ نے اسرائیل کو 25 ہزار بم اور میزائل فراہم کیے

 

اس ماہ کے شروع میں اسرائیلی فوجی ریڈیو نے اطلاع دی تھی کہ اسرائیلی فضائیہ نے جنوبی غزہ کے خان یونس میں المواسی پناہ گزین کیمپ پر امریکی ساختہ JDAM (جوائنٹ ڈائریکٹ اٹیک مونیشن) کے آٹھ بم گرائے، جس کے نتیجے میں 390 فلسطینی شہید اور زخمی ہوئے۔ جون میں، واشنگٹن پوسٹ نے انکشاف کیا تھا کہ تنازع شروع ہونے کے بعد سے امریکہ نے اسرائیل کو 6.5 بلین ڈالر سے زیادہ کا فوجی سامان فراہم کیا ہے۔ یہ اعداد و شمار تل ابیب کے لیے واشنگٹن کی سالانہ فوجی امداد کے مقابلے میں نمایاں اضافہ کی نشاندہی کرتا ہے جو کہ تقریباً 3.3 بلین ڈالر ہے۔ عسکری امداد کے ساتھ ساتھ سفارتی سطح پر بھی امریکہ صیہونی ریاست کی سب سے زیادہ پشت پناہی کر رہا ہے۔ امریکہ نے بار بار اپنے ویٹو پاور کا استعمال کرتے ہوئے اقوام متحدہ کی سلامتی کونسل کی ان قراردادوں کو روکا ہے جن میں تنازعہ میں فوری جنگ بندی کا مطالبہ کیا گیا ہے۔ غزہ میں جاری نسل کشی میں صیہونی ریاست کے ساتھ امریکہ بھی بڑھ چڑھ کر حصہ لے رہا ہے۔