0
Monday 29 Jul 2024 12:21

زائرین کے مسائل کے حل کیلئے سینیٹر علامہ راجہ ناصر عباس کی سربراہی میں ذیلی کمیٹی قائم

زائرین کے مسائل کے حل کیلئے سینیٹر علامہ راجہ ناصر عباس کی سربراہی میں ذیلی کمیٹی قائم
اسلام ٹائمز۔ چیئرمین مجلس وحدت مسلمین پاکستان سینیٹر علامہ راجہ ناصر عباس جعفری نے سینیٹ کی قائمہ کمیٹی برائے مذہبی امور سے خطاب کرتے ہوئے کہا ہے کہ ایران عراق جانے والے زائرین کی سفری مشکلات کے ازالے کے لیے حکومتی سطح پر مناسب اقدامات کیے جائیں، پاکستان سے عراق جانے والے کچھ زائرین کو جعلی ویزوں کے اجراء اور عراق میں انہیں شدید قانونی مشکلات کی اطلاعات سامنے آئی ہیں، جعل سازی کے اس عمل کو بلا تاخیر روکا جانا چاہئیے، زیارات کی آڑ میں کسی بھی غیر قانونی عمل کی حوصلہ شکنی ہونی چاہیے، جن کی وجہ سے زائرین کرام کو مسائل ومشکلات کا سامنا کرنا پڑتا ہے۔

انہوں نے کہا کہ تفتان بارڈر پر زائرین کو ضروری اشیائے خورد ونوش غیر معیاری اور مہنگے داموں خریدنے پر مجبور کیا جاتا ہے، کوئٹہ سے تفتان تک کے سفر کو محفوظ ترین بنانے اور دیگر مشکلات کے خاتمے کے لیے بلوچستان حکومت سے بات کی جائے، زائرین کو درپیش مشکلات سے متعلق شکایات سیل تشکیل دیا جائے، تفتان بارڈر پر پاکستان ہاؤس کی تعمیر کیلئے پلاننگ کمیشن سے گفت و شنید انتہائی ضروری ہے، ایف سی اور متعلقہ وزارت کیساتھ ملکر زائرین کیلئے عارضی رہائشگاہیں قائم کی جائیں، رویت ہلال کمیٹی کو مزید مضبوط اور بہتر بنانے کی ضرورت ہے۔ اس مشاورتی عمل میں دیگر علاقے کے علماء کو بھی شامل کیا جائے، زائرین کے مسائل کے حل کیلئے سینیٹر علامہ راجہ ناصر عباس جعفری کی سربراہی میں ایک ذیلی کمیٹی کے فوری قیام کا اعلان کیا گیا۔
خبر کا کوڈ : 1150627
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش