0
Monday 29 Jul 2024 19:48

کراچی، 31 کلومیٹر ٹرانسمیشن لائن کو سسٹم سے جوڑ دیا گیا، گیس بحال

کراچی، 31 کلومیٹر ٹرانسمیشن لائن کو سسٹم سے جوڑ دیا گیا، گیس بحال
اسلام ٹائمز۔ شہر قائد میں پائپ لائن جوڑنے کا کام مقررہ وقت سے پہلے مکمل کرلیا گیا ہے، جس کے بعد متاثرہ علاقوں میں گیس بحال ہوگئی۔ ترجمان سوئی سدرن گیس کمپنی کے مطابق ایس ایس جی سی نے کراچی کے صنعتی، کمرشل اور گھریلو صارفین کیلئے گیس پریشر بہتر بنانے کیلئے اہم اقدام کیا گیا، جس میں 24 انچ قطر کی 31 کلومیٹر طویل ٹرانسمیشن پائپ لائن کو سسٹم سے جوڑے جانے کا کام وقت سے پہلے مکمل کر لیا گیا۔ سوئی سدرن کی ٹیکنیکل ٹیم نے مقررہ وقت سے پہلے پائپ لائن کو سسٹم میں لانے کیلئے اپنا کام مکمل کرلیا۔ نئی 31 کلومیٹر پر محیط 24 انچ قطر کی پائپ لائن سے گیس پریشر کو بہتر کرنے میں مدد ملے گی۔ ایم ڈی ایس ایس جی سی کے مطابق قلیل دورانیے میں کام مکمل کرنے پر سوئی سدرن کی ٹیم خراج تحسین کی مستحق ہے۔ روزانہ کی پروفائلنگ بندش کے بعد مقررہ وقت یعنی پیر 5 بجے صبح گھریلو صارفین سمیت تمام سیکٹرز کو گیس کی فراہمی یقینی ہوگی۔
خبر کا کوڈ : 1150721
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش