بغاوت پر اکسانے کا الزام، لیفٹیننٹ کرنل (ر) اکبر حسین کا کورٹ مارشل، 14 سال قید

اسلام ٹائمز۔ سابق فوجی اہلکاروں کو بغاوت پر اکسانے کے الزام میں ریٹائرڈ لیفٹیننٹ کرنل اکبر حسین کا کورٹ مارشل کردیا گیا۔ پاک فوج کے شعبہ تعلقات عامہ (آئی ایس پی آر) کی جانب سے جاری بیان کے مطابق ریٹائرڈ لیفٹیننٹ کرنل اکبر حسین کو فیلڈ جنرل کورٹ مارشل کے تحت سزا سنا دی گئی۔ پاک فوج کے سابق افسر کو فوجی اہلکاروں کو بغاوت پر اکسانے کے الزام میں سزا سنائی گئی ہے۔ آئی ایس پی آر  کے مطابق مجاز عدالت نے  لیفٹننٹ کرنل ریٹائرڈ اکبر حسین کو جرم ثابت ہونے پر 14 سال قید کی سزا سنائی جبکہ  اکبر حسین کا رینک بھی ضبط کرلیا گیا ہے۔ آئی ایس پی آر نے بتایا کہ میجر ریٹائرڈ عادل فاروق راجہ، کیپٹن ریٹائرڈ حیدر رضا مہدی کو بھی بغاوت پر سزائیں سنائی جاچکی ہیں۔ مجاز عدالت نے 7 اور 9 اکتوبر 2023ء کو عادل فاروق راجہ اور حیدر رضا مہدی کو سزائیں سنائیں۔