ترکیہ کیجانب سے اسماعیل ہنیہ کے قتل کی مذمت

اسلام ٹائمز۔ ترکیہ کی وزارت خارجہ نے  ایک بیان جاری کرکے تہران میں حماس کے سیاسی دفتر کے سربراہ کی شہادت کی خبر پر ردعمل ظاہر کیا ہے۔ فارس نیوز کے مطابق ترک وزارت خارجہ نے اسماعیل ہنیہ کے قتل کی مذمت کی ہے۔ سپاہ پاسداران انقلاب اسلامی کے شعبہ تعلقات عامہ نے اپنے ایک بیان میں اعلان کیا کہ فلسطین کی بہادر قوم، ملت اسلامیہ، مزاحمتی محاذ کے مجاہدین اور ایران کی معزز قوم کے ساتھ تعزیت و تسلیت کے ساتھ یہ اطلاع دی جاتی ہے کہ  آج صبح اسلامی مزاحمت حماس کے سیاسی دفتر کے سربراہ جناب ڈاکٹر اسماعیل ہنیہ کی رہائش گاہ کو تہران میں نشانہ بنایا گیا، جس کے نتیجے میں وہ اور ان کا ایک محافظ شہید ہوگئے ہیں۔ ترک وزارت خارجہ نے ایک بیان جاری کرتے ہوئے حماس کے سیاسی بیورو کے سربراہ کے قتل کو "نفرت انگیز" قرار دیا اور اس کی مذمت کی۔