جب ایران کی باری آتی ہے تو یورپ کو تحمل و برداشت کا سبق یاد آ جاتا ہے

اسلام ٹائمز۔ "پُرسکون رہیں"، "برداشت کا مظاہرہ کریں"، "اشتعال انگیزی سے اجتناب کریں"۔ یہ وہ الفاظ ہیں جو یورپی ممالک نے حماس کے پولیٹیل بیورو چیف "اسماعیل ھنیہ" کی ٹارگٹ کلنگ کے بعد استعمال کئے۔ یورپی یونین کے ترجمان "پیٹر اسٹینو" نے اس مذموم حرکت کے بارے میں کہا کہ ہم تمام فریقین سے تحمل کا مظاہرہ کرنے اور اشتعال انگیزی سے اجتناب کرنے کی درخواست کرتے ہیں۔ جرمنی کی وزارت خارجہ کے ترجمان "سباسٹین فشر" نے کہا کہ ہمیں اس وقت شدید صبر کا مظاہرہ کرنا چاہئے اور ہمیں ہر وہ اقدام اٹھانا چاہئے جس سے کشیدگی کا خاتمہ ہوتا ہو۔ برطانیہ اور سوئٹزرلینڈ کی نصیحت بھی یہی تھی کہ کشیدگی سے پرہیز کیا جائے۔ واضح رہے کہ حماس کے پولیٹیکل بیورو چیف "اسماعیل ھنیہ" سرکاری مہمان کی حیثیت سے ایران کے نو منتخب صدر ڈاکٹر "مسعود پزشکیان" کی تقریب حلف برداری میں شرکت کے لئے تہران آئے تھے، جہاں انہیں اُن کے محافظ کے ہمراہ اسرائیل نے شہید کر دیا۔