امریکا اور برطانیہ کا مغربی یمن پر حملہ

اسلام ٹائمز۔ امریکی اور برطانوی جنگی طیارے دوبارہ یمن کے مغربی علاقے پر حملہ آور ہو گئے ہیں۔ فارس نیوز کے مطابق "المسیرہ" نیٹ ورک نے آج شام (بدھ) خبر دی ہے کہ امریکہ اور برطانیہ نے ایک بار پھر یمن کے ساحلی علاقے الحدیدہ کے صلیف شہر پر تین بار حملہ کیا ہے۔ یمنی میڈیا نے رپورٹ کی اشاعت تک نقصان اور ممکنہ جانی نقصانات کی تفصیلات فراہم نہیں کیں۔ الحدیدہ صوبہ یمن کے مغرب میں طویل ساحلی پٹی کا حامل ہے اور یہاں ایک بین الاقوامی ہوائی اڈہ اور تین اہم بندرگاہیں واقع ہیں۔

امریکا اور برطانیہ نے گزشتہ چند مہینوں کے دوران یمن پر کئی بار حملہ کیا ہے تاکہ یمنی کارروائیوں کو روک سکیں اور صہیونی رژیم کی حمایت کر سکیں، مگر ان حملوں نے یمنی فوج کے آپریشنز کو روکنے میں کوئی کامیابی نہیں حاصل کی۔ یمنی فوج نے صہیونی رژیم کے غزہ پر حملوں میں اضافے کے بعد اسرائیلی بحری جہازوں اور ایسے جہازوں کو جن کی منزل فلسطین اشغالی تھی، گزرنے کی اجازت نہیں دی ہے۔ یمن کی ڈرون اور میزائل فورس نے بھی فلسطینی عوام کی حمایت میں کئی بار اسرائیلی فوجی پوزیشنوں پر حملہ کیا ہے۔