رانا ثنا اللہ کی پی ٹی آئی کو چارٹر آف ڈیموکریسی اور چارٹر آف اکانومی کرنیکی پیشکش

اسلام ٹائمز۔ مسلم لیگ نون کے سینئر راہنما رانا ثنا اللہ نے کہا کہ پی ٹی آئی چارٹر آف ڈیموکریسی اور چارٹر آف اکانومی کرے۔ جمہوریت میں معاملات بہتر کرنے کا یہی راستہ ہے۔ رانا ثنا اللہ نے کہا کہ صبح 7 بجے ملاقات کسی کے کرانے سے ہی ہوسکتی ہے، ہم اس صورتحال سے بالکل پریشان نہیں ہیں۔ علی امین گنڈا پور بڑھکیں مارتے ہیں، امن و امان کی صورتحال کو کنٹرول رکھنا انتظامیہ کی ذمہ داری ہے۔ یہ رنگ بازی، ڈرامہ بازی کے بجائےسیاسی جماعتوں کے ساتھ بیٹھیں۔ انہوں نے کہا کہ ان کو 9 مئی واقعات کی صدق دل سے معافی مانگنی چاہئے۔ یہ پہلے سیاسی رویہ اپنائیں، بلاول بھٹو کی وزیراعظم سے اچھے ماحول میں گفتگو ہوئی۔ سینئر راہنما نون لیگ نے کہا کہ اگلے ہفتے دوبارہ ملاقات ہوگی، اکثر معاملات حل کر لئے گئے ہیں، کابینہ میں شمولیت سے متعلق آج کوئی بات نہیں ہوئی۔