کوہاٹ، آئی ایس او کے زیرِ اہتمام ایک روزہ کیمپ بعنوان "راہیان کربلا ڈے کیمپ" کا انعقاد

اسلام ٹائمز۔ امامیہ اسٹوڈنٹس آرگنائزیشن پاکستان پشاور ڈویژن کے زیرِ اہتمام ایک روزہ کیمپ بعنوان "راہیان کربلا ڈے کیمپ" کا انعقاد مسجد جماران کچئ کوہاٹ میں کیا گیا، جس کا آغاز تلاوت قرآن مجید سے ہوا، ڈویژنل صدر حسن رضا نے ابتدائی کلمات ادا کئے۔ ایک روزہ کیمپ میں تعلیمی، تربیتی، تنظیمی اور اسکاؤٹنگ کے موضوعات پر مختلف مقررین نے اپنے اپنے خیالات کا اظہار کیا، جن میں سابق ڈویژنل صدر نوید انجم، مبشر حسین، توحید حسین، سید شوکت شیرازی، سابقہ امامیہ چیف اسکاؤٹ مجتبی حسن، سابق اے سی ایس لعل قاسم اور مولانا شیر علی مہدوی شامل تھے۔

دوران کیمپ اسٹڈی سرکلز اور اسکاؤٹنگ ایکٹیویٹیز بھی سر انجام دی گئیں، اسکاؤٹ کیمپ میں سابق ڈویژنل صدور شاہ حبیب حسین، سابقہ ڈویژنل نائب صدر کامران علی، سابق ڈویژنل فائنانس سیکرٹری مہدی و سابق ڈپٹی فائنانس سیکرٹری باقر حسین سمیت کثیر تعداد میں طلباء امامیہ نے شرکت کی۔