اسرائیل نے غزہ میں اپنے ایک فوجی کی ہلاکت کا اعتراف کیا

اسلام ٹائمز۔ اسرائیلی فوج نے خبر دی ہے کہ غزہ کے جنوبی علاقے میں جھڑپوں کے دوران ان کا ایک فوجی ہلاک ہوگیا۔ فارس نیوز کے مطابق غزہ کے خلاف جاری جنگ میں اپنی ہلاکتوں کے بارے میں قطرہ قطرہ معلومات فراہم کرتے ہوئے، تل ابیب نے ایک اور فوجی کی موت کی خبر دی ہے۔ اسرائیلی اخبار یدیعوت آحارونوت کے مطابق، اسرائیلی فوج نے اتوار کے روز خبر دی کہ 20 سالہ فوجی سرجوہ "آمیت تسادیکوف" غزہ کے جنوب میں ہلاک ہوگیا ہے۔ اس اسرائیلی میڈیا کے مطابق، غزہ پر زمینی حملے کے آغاز سے اب تک 337 اسرائیلی فوجی اپنی جان سے ہاتھ دھو بیٹھے ہیں۔